Awe riba Dia Anti Tabako, laga nos realisá kuantu daño tabako i nikotina ta kousa nos prohimó, sernan kerí i nos mes. Tabako ta mata 7 mion hende na mundu tur aña i si nos no hasi algu, e sifra aki lo sigi subi. Tras di e sifranan aki tin hopi sufrimentu, tristesa den kasnan di famia, apsentensmo na trabou i gastunan haltu den e sektor di kuido.
Nos mester subi akseins riba produktonan di tabako, mester bin regla kon ta merkadiá e produktonan aki, prinsipalmente pa loke ta trata nos hóbennan, i mester bin pa lei, atvertensia di e peliger di huma riba empake di produktonan di tabako.
Mi ta orguyoso di a subi akseins riba sigaria komo Sekretario di Estado i a pusha e lei pa prohibí humamentu den lugánan ku un dak komo Parlamentario. E lucha no a kaba. E frontera nobo ta e sigaria elektróniko ku no ta reglamentá i ku keta bai ta venená nos ku nikotina. Pronto lo mi presentá un proposishon pa kon atendé ku e fenómeno di sigaria elektróniko.
Alex David Rosaria Blog 