Esaki ta un foto resien ku klaramente ta mustra un supstansia den awa na e área nort di nos isla ku aktualmente ta presente na nos kosta. Hendenan ku a mira un ke otro bulando den un avion ta konfirmá ku a mira e supstansia aki ta drif ya kaba tambe den laman grandi i por yega kosta di otro nashon. Boneiru no por keda ekskluí di tambe hañé konfrontá ku e supstansia aki. Tene kuenta ku ekspertonan ya a big determiná ku aki no ta trata di sargassum. Kiko sí e ta, ainda ta deskonosí. Ta di spera ku mas rápido posibel outoridatnan ta laga investigá ta kiko e supstansia aki ta i saka afó ken ta responsabel. Mi ta spera ku nos ta manda un mensahe hopi kla ku nos no ta tolerá ku ta hasi nos medio ambiente daño i tampoko peligrá nos turismo ku tipo di aktonan asina aki. Un súplika na nos outoridatnan ta pa nan ta transparente ku pueblo.
Willemstad, Curaçao
Alex David Rosaria Blog 