Debí na enorme reakshon riba mi artíkulo tokante e lei pa reglamentá salarionan astronómiko den entidatnan di gobièrnu ku a keda aprobá pa Staten, pero ku no a drenta na vigor, https://alexdavidrosaria.blog/2019/08/05/publika-lei-pa-regla-salario-na-nvs-ku-a-pasa-staten-2016/, mi ta amplia riba algun punto.
Reglamentashon di salario den kompanianan di gobièrnu ta un di e aspektonan di e lei aprobá pa Staten na ougùstûs 2016, Landsverordening Optimalisatie Overheidsgelieerde Entiteiten. Konforme Programa di Gobernashon 2013-2016 mester a reformá i kaminda nesesario, regulá e kuadro den kua entidatnan ligá ku gobièrnu ta operá pa drecha kalidat di servisio, baha salario i e kostonan haltu di operashon i minimalisá e riesgo pa finansa públiko.
For di Verantwoording- en overdrachtsdocument van de minister van Financiën augustus, 2016, mi ta sita e siguiente fasetanan di e lei ya menshoná:
✔️Algemene regels bij het plaatsen van opdrachten waarbij marktwerking en transparantie worden bevorderd;
✔️normen voor specifieke kostenposten (uit efficiëntie en om misbruik te verkomen);
✔️richtlijnen voor de personeelskosten (formatierapporten en variant Balkenendenorm);
✔️rendementseisen en dividendbeleid;
✔️handhavend toezicht vanuit de overheid.
Ta trata pues di un lei amplio ku mester a duna kontesta na e kantidat grandi di reklamo di pueblo pa ku salarionan èksorbitante, reklamo di kliente pa ku servisio i preis di produkto/servisio ofresé. E lei sinembargo nunka a keda publiká. Segun nos konstitushon, ta gobièrnu mester publik’e. Ta prekupante tende e siman aki ku e gabinete aktual no ke publik’e, pero lo traha un lei nobo, lokual lo hiba nos te na 2020 òf 2021 mirando e proseso largu pa yega na un lei.
Nos mester realisá ku posponementu di akshonnan ku debidamente nos sa ku mester tuma, no ta yuda nos. Kada dia sin e lei ku a pasa na 2016, ta nifiká riesgo pa (mas) deterioro finansiero pa kua e gabinete aki resientemente ya a haña un ‘aanwijzing’.
Willemstad, Kòrsou
Alex David Rosaria Blog 