Ku NOW, e proyekto di reskate den kuadro di covid 19, a frakasá no ta un sorpresa. Mi a premirá esaki for di komienso di aprel*. E problema di NOW no ta na promé lugá e fayonan den ehekushon i vulnerabilidat pa korupshon, sino e formulashon defisiente di e proyekto.
Fòrti nunka a definí koutelosamente esnan ku tin mas nesesidat pa haña sosten (“targetting”). E plan ta karesé di kriterio, “benchmark”, dato konfiabel i ademas poko komunikashon entre nos institushonnan.
Debí na un formulashon débil** tabata opvio ku e ehekushon tambe lo ta defisiente. Si e proyekto ta malu, su ehekushon no por kana bon. Esaki tambe a habri porta pa korupshon, willekeur”, “vriendjespolitiek” i fondonan ku a keda malaloká i ku no a yega esnan mas vulnerabel. Tapoko a konsiderá mi sugerensia pa lanta un komishon speshal (temporal) di Staten** pa kontrolá NOW.
Preguntanan awor di Parlamentarionan ta lat i frankamente niun ta atendé ku e problema real, esta e mal formulashon di e proyekto. Lokual mester hasi ta reformulá NOW. Sino, nos lo keda chambuká i sigi mira kon plaka ta keda malusá i ranká for di esnan mas vulnerabel. Nos sa esaki pero ta dal bai trankil. Nos ta warda te ora Hulanda kai aden i drecha e asuntu? Òf nos mes ta hasi’é dunando kontenido na nos outonomia?
Willemstad, Kòrsou
*https://alexdavidrosaria.blog/2020/04/09/curacao-needs-to-cushion-covid-19-pain-but-without-real-changes-well-be-back-to-square-one/
**https://alexdavidrosaria.blog/2020/06/08/reformula-proyekto-sosten-covid-19/
Alex David Rosaria Blog 