For di tempu mi tabata den Fòrti i después den Staten, mi tabata sòru pa skibi komunikado na Ingles i manda esaki pa agensianan di notisia, prinsipalmente esnan di Karibe. I na masha hopi okashon mi artíkulonan tabata sali den korantnan di Dominica, Jamaica, Barbados, Antigua i tambe Sint Maarten. E bentaha di hasi esaki ta ku bo por saka loke ta importante segun bo. No un notisia ku ta keda filtrá pa otronan.
Nos no ta skibi na Ingles, loke ta lamentabel. Mi ta spera ku mi mensahe lo yega e biaha aki i stimulá pa nos produsí nos notisianan na Ingles tambe. Kere mi, hende pafó di nos fronteranan ta interesá pa sa kiko interesante ta pasa aki, prinsipalmente ora ta trata di maneho. Realidat ta ku e gran mayoria di loke nos produsí ta na Papiamentu i Hulandes. Dos idioma ku no tin un alkanse internashonal.
E blog aki tin lesadó di 160 pais/teritorio. Pues tin interes. Laga nos pensa i aktua mas internashonal. Mundu no ta drei rondó di e 444 km kuadrá aki.
Willemstad, Korsou
Alex David Rosaria Blog 
Alex, mi a yega di publiká varios artíkulo tokante enseñansa, durante cual mi a propagá *’holistic education’* i tambe e idioma prinsipal ku nos mester dominá pa por funshoná mihó ‘globalmente’, ku ta *INGLES* ! INGLES mester remplasá Hulandés komo e idioma obligatorio durante HENTER enseñansa. Segun mi info, na Holanda Ingles a bira e idioma ku hopi universidad ta huza i ku ta obligatorio. Mi a sugerí pa hasi Franses un idioma di eskoho, pero pa mantené INGLES komo E IDIOMA DI INSTRUKSHON durante henter e periodo escolar. Saka Frances afó of hasi Frances un idioma ku e studiante ‘por’ skohe *adishonalmente. * Ingles, Papiamentu, Spañó i Hulandes mester ta idiomanan obligatorio, mientras *Ingles mester ta e idioma di instruksron *durante tur e añanan na skol: primario, secundario, UNA. Hulandes mester keda pasobra nos ta parti di Hulanda i nos leinan ta na Hulandes. PERO …. gradualmente Hulandes lo bira opsoleto segun henter mundu husa Ingles. *Mi ta **interesá** na tende bo opinion…… i , by **the** way*
*FELIZ PASKU & UN TREMENDO AÑA NOBO*
Jopi
On Sun, Dec 27, 2020 at 8:48 AM Alex David Rosaria Blog wrote:
> alexdavidrosaria posted: ” For di tempu mi tabata den Fòrti i después den > Staten, mi tabata sòru pa skibi komunikado na Ingles i manda esaki pa > agensianan di notisia, prinsipalmente esnan di Karibe. I na masha hopi > okashon mi artíkulonan tabata sali den korantnan di Domini” >
LikeLike
Di akuerdo. Mester sòru pa nos maestronan ta kapasitá pa duna instrukshon na Ingles. E pregunta ta: nos maestronan ta kapasitá (sufisientemente) pa duna instukshon na Ingles.
LikeLike