Riba 8 yüli 2021 tatin 30 kaso aktivo. Awe, 10 dia despues, tin 405.
Mínimal un moshon di desaprobashon e minister di Salubridat Públiko ta meresé. Esaki despues di a demostrá ku e no ta kumpli ku su tarea komo mandatario responsabel pa e kartera di salubridat públiko. Penosamente esaki a bin dilanti ku su èkspreshonnan durante di un konferensia di prensa tokante e krísis di COVID.
Ta inakseptabel ku e minister den un pandemia ta kere ku e tin derechi di pone su bèrdat personal riba e tarea pa kuida salú di e kolektividat, kreando kontroversia i duda inesesario. Di unda a sali ku bo bèrdat (kisas basá riba bo krehensia) ta bin nan promé lugá den un krísis? Kiko por pone ku bo krehensia personal ta mas importante ku e situashon di eksepshon ku bo tambe resientemente a bai di akuerdo pa ekstendé?
E minister mester komprondé ku mientras e komo hende ta liber pa kere kualkier bèrdat, su krehensia personal no por remplasá e bèrdat ku bakunashon ta e manera mas efektivo (94%) segun siensia pa prevení COVID. I, te ainda no tin alternativa pa bakunashon ku ta mes òf mas efektivo. Si e minister ke keda kere den su bèrdat, e por. Den e kaso ei e no por ta minister pasombra e ta un peliger pa salú di tur hende. Staten mester tuma e situashon aki na serio i presentá por lo ménos un moshon di desaprobashon kontra di e minister.
Willemstad, Kòrsou
Alex David Rosaria Blog 
Masha bon mes, Minister iresponbel…
LikeLike
Mi ta di akuerdo. Bo opinion personal no por ta strobabo hasi bo trabou komo mandatario di hinter pueblo. Si ta asina, bo no mester a skohe pa bira minister di Salubridat Públiko.
LikeLike
Tur hende ta kore hasi drama ku e minister tin su privacy’ ku eno mester a skohe pa minister di salubridad. Bosnn a puntra bosnn mes ku dikon eno A! Of no por! bakuna ? Ban serio ku kosnn si.
LikeLike
Mitin gana di sa te unda e bomboshi aki lo yega. Laga hende den nan balor. Mayan lo bisa no ke Minister “gay” paso esei ta kontra moral. Asina lo sigo ataka kosnan ku no tin nadi ber. Mita traha pa Colgate mi no mag di kumpra Crest. Mita traha na McDonalds mio mi no hera bai Burger King. Ridicules!
LikeLike
Danki pa bo komentario. Mi no ke mishi ku nungun hende su krehensia. Si bo ke kere den voodoo, sekta, colgate… Eseinan ta bo bèrdat personal. Bo asuntu. Loke si ta prekupashon ta ora un krehensia personal stroba protekshon di salu di PUEBLO. Esei ta mi mensahe di mi artíkulo.
LikeLike
E nivel di ‘nada que ver’ ta pone ku e komparashonnan ta zona prèt, si e tópiko no tabata asina tristu.
LikeLike
Kisas e mes no a para ketu na e barbaridat ku e a komete. E ora ei simiera un dispensa ta na su lugá ounke e ora ei ningun hende lo kere mas den dje. E a aktua hopi malu. Bira mi ister i sali komete un vupá.
LikeLike
Danki Glenda. Ban spera ku e no a realisá ku e a pone su konvikshon estriktamente personalriba interes general i lo kambia su komportashon
LikeLike
Dikon no tin alternativa kontra Covid. Tin alternativa, solamente nos no ta trese dilanti p.e. uso di medisina natural pa reforsa bo sistema imuno. Gobiernu ta blo focus riba bakunashon, dikon no focus riba vitamina K, D, C i otro kos ku por yuda. E minister ta sostene e bakunashon. Kisas e si ta huza remedi natural di tal manera ku systema imuno ta tremendo. Pakiko e tin ku bakuna? Antes muchanan tabata hanja vitamina na skol. Dikon no ta promove esaki? Lesa e artikulo aki https://huisartsenschiedamnoord.nl/wp-content/uploads/2020/12/Zelfzorg-advies-COVID-19-nov-2020.pdf
LikeLike
Dikon no tin alternativa kontra Covid. Tin alternativa, solamente nos no ta trese dilanti p.e. uso di medisina natural pa reforsa bo sistema imuno. Gobiernu ta blo focus riba bakunashon, dikon no focus riba vitamina K, D, C i otro kos ku por yuda. E minister ta sostene e bakunashon. Kisas e si ta huza remedi natural di tal manera ku systema imuno ta tremendo. Pakiko e tin ku bakuna? Antes muchanan tabata hanja vitamina na skol. Dikon no ta promove esaki? Lesa e artikulo aki https://huisartsenschiedamnoord.nl/wp-content/uploads/2020/12/Zelfzorg-advies-COVID-19-nov-2020.pdf
LikeLike
Keda sin tuma bakuna tambe ta un alternativa. Lo tin hende eifó ku tambe por proponé pa bebe lechi i kome hopi pindakaas komo alternativa. Mi no a papia di alternativa an sich. Mi a papia di “alternativa ku ta mes òf mas efektivo ku e bakuna”. No brua kos den otro.
LikeLike
Anto hasiendo uso di rekursonan alternativa pa reforsa bo sistema imuno no ta yuda?
LikeLike