Gòlpi pa Banko Sentral i Fòrti: Queen of Saba a hasi 40 aña

Queen of Saba segun leyenda tabata un muhé poderoso, riku, bunita i inteligente di Afrika ku lo a biba 3,000 aña pasá. Pa fasinante ku e reina por tabata, e artíkulo aki no ta riba dje, sino tokante nos Queen of Saba. Esun di nos tabata un skandal ku retiru di un minister, stràf pa un direktor di Banko Sentral, involvementu di NATO (North Atlantic Treaty Organization) i kaida di un gabinete. E aña aki ta kumpli presis 40 aña di nos Queen of Saba.

Meskos ku ‘proyekto 1000 baka flaku’, hotèl di 7000 kamber, transporte espasial na Hato, Queen of Saba a primintí seru di plaka na 1981. Lo a krea un moneda Antiyano di oro pa kompetí ku Krugerrand di Sur Afrika i Maple Leaf Canada komo un método di pago internashonal. E proyekto lo a keda ehekutá pa e empresa Hulandes Ofir Experts (Ofir) bou di guia di Huib Luns, yu di Joseph Luns, èks minister di Relashonnan Èksterior di Reino i e tempu ei Sekretario General di NATO. Komo un ‘steun in de rug’ Joseph Luns ta skibi un karta di rekomendashon pa Ofir riba papel ofishal di NATO.

For di tempran problemanan a vislumbrá. Un di e direktornan di Banko Sentral Antiyano (BNA), Rob Braumüller ta gaña ku Ofir lo a depositá Naf 4.5 mion pa e proyekto mientras esaki tabata solamente Naf 0.5 mion. Ademas BNA ta kumpra akshon den Ofir pa 10 biaha mas tantu ku e balor (nominal). Braumüller ta keda di skòrs. Bankonan grandi Hulandes ku na prinsipio tabata habrí pa Queen of Saba, ta kuminsá haña duda.

Minister di Finansa, Marco de Castro, ta haña krítika pasombra e a akordá e palabrashon hasí entre BNA, Fòrti i Ofir sin aprobashon di Staten. Esaki ta pone Miembro di Staten Leo Chance bisa: Mr. de Castro, you are either corrupt or stupid, but I don’t think you’re stupid because recently I applauded your policies . Staten ta èksihí pa de Castro kibra e ‘letter of intent’ ku Ofir. Ku un moshon di deskonfiansa vislumbrando kontra de Castro, su partido ta proponé un enkuesta parlamentario ku despues asta ta eksihí pa Sekretario General di NATO bin testiguá. Esaki no a sosodé.

De Castro riba 7 desèmber 1981 ta anunsiá ku e lo entregá su retiro. Poko despues Boy Rozendal ta kita sosten na Gabinete Martina l ku no por konta ku un mayoria den Staten.

Durante di 1981 ta traha 18 ehemplar di prueba di e moneda. E proyekto no ta kontinuá i Huib Luns ta demandá Gobièrnu pa Naf 1.1 mion di daño. Na 1986 Fòrti ta sera un ‘deal’ ku Luns sin duna detaye di pago.

Willemstad, Kòrsou

Advertisement

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: