DP ku a lanta pa liberá polítika for di gara katóliko, ta selebrá 77 aña

Partido Demokrat (DP) a keda fundá riba 8 desèmber 1944. E promé direktiva tabata konsistí di srs. Jonckheer, de Regt, Kroon, Comvalis, van Manen, Cohen Henriquez, Kibbelaar, Rosario i Isa. E ta aktualmente e partido mas bieu èksistente.

DP a lanta den tempunan hostil. No solamente e hecho ku e a keda fundá durante Segunda Guera Mundial, pero tambe bou di atakenan opseno di iglesia katóliko i su aliadonan. Esakinan tabata bringa pa mantené monopolio riba poder polítiko hasiendo uso di Curaçaosche Roomsch Katholieke Partij (CRKP) i korant Amigoe.

DP su lantamentu manera ningun otro a kontribuí na emansipashon i liberashon for di e gara total di iglesia katóliko. Esaki no tabata fásil sinembargo. Apenas algun dia promé ku DP a lanta, Amigoe fechá 21 novèmber 1941 ta skibi ku e no-katólikonan ta bai lanta un partido i ku tambe nan a tende ku e ‘bodenan’ di Minister ta malkontentu i ku nan tambe ta bai lanta un partido. Natural ningun ‘bode’ kier a lanta partido, pero esaki tabata e tipo di kampaña shushi kontra DP.

Ban wak e konteksto polítiko di e tempu ei. E promé elekshon pa Staten na 1937 ta keda ganá pa CRKP. N0-katólikonan no ta kontentu ku e arogansia katóliko i ta lanta Vereniging tot behartiging van de staatkundige, economische en culturele belangen van het gebiedsdeel Curaçao dirihí pa W. Maal pa forma un partido no-katóliko pa elekshon di 1941. Esaki no ta prosperá, sinembargo. E asosashon seguidamente ta pidi pa tur no-katóliko bòikotiá e elekshon di 1941. CRKP tabata e úniko partido na e elekshon na 1941. Tur miembro di Staten pa Kòrsou tabata katóliko.

Despues di e lès di pasado a lòs for di e idea pa forma un sólo partido no-katóliko. DP a lanta na 1944 i Curaçaose Protestantse Partij (CPP) na 1945. CPP ta pone solamente Hulandes Oropeo riba su lista (https://alexdavidrosaria.wordpress.com/2020/12/06/partido-ortodoks-bibliko-di-korsou-cpp-1945/) i DP ta presenta un lista variá na etnesidat i religion. Elekshon di 1945 ta produsí e siguiente resultadonan: DP ta gana elekshon ku 2,122 voto, CRPK di Dòktor da Costa Gomez ta haña 1,727 i CCP solamente 190.

DP ta kontinuá ku su lucha pa emansipashon i kontra monopolio di poder katóliko i ta logra por ehèmpel eliminá dajluna komo dia di elekshon i pone esaki bira djabièrnè. https://alexdavidrosaria.wordpress.com/2019/11/10/pakiko-ta-vota-riba-djabierne-2/. Kontrali na loke nos a tende semper, DP tabatin un papel importante den nos lucha pa emansipashon.

Willemstad, Kòrsou

Advertisement

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

One thought on “DP ku a lanta pa liberá polítika for di gara katóliko, ta selebrá 77 aña”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: