Fecha kambionan konstitushonal pa yega outonomia na 1951

Aki bou ta sigi un lista di e evenementunan mas importante den nos trayektoria pa emansipashon polítiko. Mi a skohe awe, dia di firmamentu di Statüt, dokumento ku ta regla e relashonnan den Reino Hulandes. Ántes e dia aki tabata un dia ofishal liber konosí komo Statuutdag.

• Firmamentu di Statüt: 15 desèmber 1954
• Statüt ofishalmente ta drenta na vigor: 29 desèmber 1954

• Sr. Jacob de Lima den Koloniale Raad, e promé Yu di Tera pa sklama pa derechi di voto pa Kòrsou: 22 novèmber 1869
• Sr. Abaham Chumaceiro ta pidi derechi di voto limitá: 25 febrüari 1895
• Curaçaosche Vrijheidsbond ta manda promé petishon pa outonomia na Reina: 19 sèptèmber 1923
• Promé Kiesreglement reglando derechi di voto limitá: 10 mei 1937
• Promé elekshon pa Staten a base di derechi di voto limitá: 22 desèmber 1937
• Eliminashon di Koloniale Raad (estilo nobo)*: 2 aprel 1938
• Instalashon di promé Staten di Antia (15 miembro): 5 aprel 1938
• Anunsio di Gobernadó tokante futuro kambio den Reino: 16 yüni 1941
• Diskurso di Reina anunsiando kambio den Reino: 6 desèmber 1942
• Instalashon Komishon de la Try Ellis pa prepará outonomia: 10 desèmber 1945
• Entrega Proposishon di Staten pa outonomia na Hulanda:25 yüni 1946
• Derechi di voto universal: 17 mart 1948
• Promé elekshon pa Staten a base di derechi voto universal: 17 mart 1949
• Promé Konferensia Mesa Rondó pa kambio den Reino: yanüari-mart 1948
• Outonomia i desentralisashon Antia ta drenta na vigor: 7 febrüari 1951
• Promé Staten (22 miembro) ku responsabilidat parlamentario: 21 febrüari 1951
• Eilandenregeling Ned. Antillen pa formalisa desentralisashon: 14 mart 1951
• Promé Gabinete di Antia ku responsabilidat ministerial: 19 aprel 1951
• Promé votashon pa Konseho Insular: 4 yüni 1951
• Instalashon di e promé Konseho Insular: 2 yüli 1951
• Dia di status outónomo den Reino pa Kòrsou: 10 òktober 2010

*Promé ku 1866 nos tabatin un Koloniale Raad estilo bieu ku poko kos di bisa. For di 1866 te 1937 a sinta Koloniale Raad estilo nobo ku mas tarea.

Willemstad, Kòrsou