Algun funshon/título ku ya no ta èksistí den nos pais

This image has an empty alt attribute; its file name is bb34a691-e8d7-415c-ae4e-5313cbe94634.png



Tin algun funshon kreá pa lei un 200 pa 300 aña pasá ku awendia no ta èksistí mas. Algun di nan a kapta mi atenshon.

Den Aanspreker

E aanspreker su tarea tabata anunsiá morto, prepará entiero, kompañá e defuntu i su sernan kerí na graf i kobra famia e gastunan. E tabata obligá na sirbi: “alle blanke ingezetenen en vreemdelingen van den Christelijken godsdienst zonder onderscheid van geloofsbelijdenis, zoomede negers en lieden van de kleur die tot de Protestantsche gemeenten behooren..”Su tarea no tur biaha tabata fásil prinsipalmente ora tin dalmentu di beter. Tambe e sa hań’é ku problema ora esnan responsabel pa enterá e kaha di morto (doodgravers, un funshon mará den lei) ta burachi. Het vaderland: staat-en letterkundig nieuwsblad di 13 mei 1928 ta mèldu ku na un entiero na Kòrsou, kuater (4) doodgravers bou di nan awa i pleitando ku otro a saka e kaha di morto for di kitoki, i ora nan a yega e graf kònòpi a kuminsá yobe loke a pone e kaha kai aparatosamente den e buraku. Segun e korant na final e aanspreker ta bisa: Namens de familie, dankt het stoffelijk overschot voor de bewezen eer.”

Den Stadsomroeper

Stadsomroeper tabatin un tarea importante di difundí informashon den un era sin korant i ku hopi analfabeta. Un tarea partikular di dje tabata pa anunsiá rònt den Punda, Pietermaai, Skalo i Otrobanda ocho (8) dia promé ku un barku bandoná nos haf, nòmber di tur residente i estranhero ku a keda mas ku un luna Kòrsou ku ta riba lista di pasahero. Tabata hasi esaki pa alertá esnan ku tabatin un ke otro pago di risibí di esnan ku ta bandoná nos isla.

Den Rooimeester

Rooimeester tabatin e tarea importante di tene rooinan limpi i aksesibel di kas, pantazje i terenonan den nos pais. E delaster menshon públiko di un rooimeester tabata na 1944 na Boneiru, esta Adelberto Esteban Booi. E mesun Booi ku despues ta drenta polítika, traishoná Dòktor i pone ku e no por a firma Staüt na 1954. (https://alexdavidrosaria.wordpress.com/2021/12/03/traishon-politiko-booi-ta-punela-doktor-den-lomba-na-1954/)

Den Onderschout

Konforme un lei di 1822, e onderschout mester a sali kana tur dia 7:30 am den Punda pa wak pa na tur momentu bendedónan di artíkulo riba kaya ta laga un pasashi liber pa peaton kana. E tabata outorisá pa despues di dos atvertensia konfiská tur artikulo di benta di esanan ku no ta tene nan mes na lei. Tambe e mester a sòru ku “dienaars” (pretu) ku ta riba kaya no trata suidadanonan, prinsipalmente suidadanonan blanku ku mal manera.

Willemstad, Kòrsou

Fuente: Archivo Nashonal

Advertisement

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: