Algun dia pasá mi a hala un stul sinta na mesa ku algun pensonado ku mi konosé i otronan deskonosí pami. A dura poko pa ripará ku mi tabata mei-mei di un diskushon tokante di baimentu di luna si òf no. Tabata opvio ku e grupo ku tabata kere ku hende a pone pia riba luna, no tabata logra kombensé e otronan ku tabata insistí ku baimentu di luna tabata un fantasia di Holywood.
Loke mi no tabata ke pa pasa, a pasa: “Alex, abo ta kere e fantasia di bai luna aki?” unu a puntrami. Nèt mi tabata saboriá mi kòfi pretu loke a dunami un frakshon di tempu èkstra pa kontestá: “Bai luna? Ami no ta ni kere ku luna ta èksistí. Tur hende sa ku loke nos ta yama luna ta un base pa èkstraterestre”
E lès ku mi a siña algun tempu pasá ta ku no por rasoná ku hende ku no tin kapasidat rashonal. Pues si nan bin ku ponensia apsurdamente ridíkulo, abo bin ku ponensia ainda mas ridíkulo. Mayoria biaha e kombersashon ta kaba.
Mas i mas ta surgiendo moveshonnan pa kontra-aresta teorianan di konspirashon, no a base di rasonamentu, pero kreando teorianan ainda mas ridíkulo. Esun mas konosí ta e moveshon Birds are not real na Merka. Segun e teoria di konspirashon aki, gobièrnu a mata tur para na Merka i a remplasá nan pa drone den forma di para, instalá ku kámara pa spioná. Pues ora bo mira e paranan ‘fake’ aki riba waya di koriente, nan ta kargando nan bateria. I sea alerta ora nan pupu riba bo outo, pasombra esaki ta kontené un gèl pa sigi tur moveshon di bo vehíkulo.
Kisas awor bo sa kiko kontestá un di e sabionan riba FB ku ta ‘spesialista’ di medisina, geopolítika, lei, tráfiko (hopi biaha ta e mesun hende ta spesialisá riba tur tereno) trata na kombensébo di su teoria ridíkulo di konspirashon. Diferensia ku esnan di Birds are not real ta ku nan sa ku loke nan ta bisa no ta bèrdat pero ta hasié pa hala atenshon riba un tendensia peligroso pa demokrasia i ku hasta ta kosta bida humano manera ta e kaso di teorianan kontra bakunashon.
Willemstad, Kòrsou
Alex David Rosaria Blog 
Na mi pareser social media ta e kontrumbiente mas grandi. Hende ta kuminsa mete ku profeshionalnan sin nigun saber.bo keda stamp un mentira tur ora tur dia e ta bira un berdad pa hendenan ku no ta pensa un tiki mas leu.
LikeLike
Social Media ta e instrumento faborito pa e hendenan aki. Nan no ta konsiente kuantu daño nan ta hasi? Ta di lamentá ku nos tin un grupo muchu grandi di hende ku no ta pensa ni kuestioná. Un kos ku por sierto religionnan semper a hinka den nos kabes.
LikeLike
ku para ta drone ta koi loko. Pero kubo ta kere ku hende a bai luna na 1960piku kaminda technologia tabata menos advanced ku bo telefon di 5 aña pasa tabo ta fout. Paso simi telefon di awoki ta 100bia mas lihe ku e technologia ku nasa a husa na 1960piku, konbin NUNKA mas a bai Luna? es mas, by now, ku nos technologia di awoki mester a tin maske ta 1 hi-definition camera ta stream mundu den 8k limpi limpi 24/7 for di luna. Pero ketu, zero, nil ..ketubai nos ta keda hanja imagen di mundu CGI. Ki dia ta laastu bia kubo a mira un potret di mundu ku no ta Computer CGI ? Bo no a mire nunka paso e no ta eksisti. Tur potret di NASA di nos mundu ta CGI, computer generated. Ami no ta experto, ni mi no ta hunga rol di ta experto, anto sigur mi no ta hasi bufon di hende. Loke si misa ku na HOPI okashon corporashonan grandi ta paga y frauder dokternan swak ku sed pa plaka pa pusha remedi of sierto alimentashonan. Anto abo ku no ta questiona nada ta bai tras di dje paso ta DOKTER toch? Paso ta dokter “ai e ta dokter, e lo sa mio” ..ora ta trata lei “ai e ta abogado, e lo sa mio” .. anto door ku tur hende a kustuma ku e kos ei awo a bira ku sibo no ta dokter bo no por questiona un dokter. Awel meskos ta pasa akinan ku NASA. Supoos door kumi no ta scientifiko ni mi no ta astronaut, kasi sigur den Alex su bista tur loke mi a skibi aki ta bullshit. E kos ta abo tin miedu di husa bo logika paso bo logika lo hibabu den direkshon di loke bo ta yama konspirashon anto un guy studia mane bo den bo gremio di hendenan idealista ku mundu ta mane e ta sin nada mas su tras, no por trese algu asina dilanti paso bo tin miedu pa nan categorisabu komo loko y bo sali fei e vriendenkring. Pero husa bo logika si na 1960piku a yega luna..by now no mester ta bayendo luna tur siman? Of e 8k camera riba luna pa stream mundu 24/7 pa nos mira .. no por? Obviamente lo bo no kontesta dibo mes for di bo logika paso bo mester sigi kubo narativo ku hende studia no ta ni konsidera konspirashon. Maar goed, ami si stima husa logika kumi a haya di naturalesa. Hopi di bosnan tin miedu di husele paso e ta buta bosnan perde stoel pa sinta, hahahaha pasa un bon dia.
LikeLike
Ya, aparentemente bo no por yuda di kere den bo kos. Suèrte ba tende?
LikeLike