Konstruyendo un edifiso na Barra Kunda, The Gambia (ku ta keda entre Georgetown i Basse Santa Su, wak mapa) ku despues a keda usá komo urna.
E promé pais di Afrika unda mi a traha, tin un sistema di vota pekuliar. E pais su nòmber ta The Gambia ku ta keda na Wèst Afrika. Ántes e tabata yama Gambia pero a konsiderá ku esaki lo a trese konfushon ku un otro pais Afrikano, esta Zambia i a disidí di añadi e artíkulo “The”. The Gambia tambe tin e geografia di mas straño na mundu.
Pero ban pa e sistema di voto. Na The Gambia tin un sistema di voto ku ninichi. Nada di papel, pòtlot kòrá òf mashin.
E sistema a keda introdusí na 1965 pa motibu ku e persentahe di hende analfabeta tabata haltu. Dia di votashon bo ta bai urna i despues di identifikashon segun lei, bo ta bai un mesa ku ninichi.ku ta separá pa koló di e partido plùs e kara di e kandidato. Seguidamente bo ta kue e ninichi ku ta representá bo kandidato i bo ta dròp esaki den un silender di metal. Ora urnanan sera, ta bòltu tur ninichi den un skàlchi grandi i despues ta separá esakinan den skalchinan apart pa kada kantidato i ta hasi konteo.
Riba 4 desèmber 2021 e ùltimo elekshon presidensial a tuma lugá. Tabatin (seis) kandidato, 1,554 urna. Sr. Adama Barrow a gana ku un kantidat di 457,519 ninichi, esta 53%.
Willemstad, Kòrsou
Alex David Rosaria Blog 
Nos tambe ta “basha bala” tòg, i despues ta konta tur e balanan depositá riba un kandidato. Dus, eigenlijk no ta nada straño. Uniko diferensha ta, ku den nos sistema e lider polítiko so tin su potrèt riba e stembiljet. Dus, berdat, nos votadornan mester por lesa, òf a lo menos, rekonosé e nòmber di nan kandidato preferí.
LikeLike
Nos ta basha bala ku pòtlot i papel i nan literalmente ta vota ku ninichi (spesial). En todo kaso The Gambia no ta parse ku tin ningun plan pa kambia su sistema. If it ain’t broke, don’t fix it.
LikeLike