Outismo, Autism Spectrum Disorder (ASD), ta un desabilidat ku ta afektá e abilidat di un persona pa komuniká i partisipá soshalmente den komunidat. ASD ta afektá kada individuo diferente. Riba 2 aprel 2022 mundu ta pidi konsientisashon pa loke ta trata outismo.
Komo hende nos mester konstruí un pais den kua tur hende ta i ta sinti su mes parti di un komunidat. P’esei mester tin kompashon i oportunidat pa tur hende por ta nan mes. Mester sòru pa tin sufisiente oportunidat di rekreo i akseptashon irespeksto ku un hende ku outismo hopi biaha no por establesé kontakto di wowo, hiba un kòmbersashon òf ta hasi moveshon (inboluntario) ku parti di su kurpa. Ta di lamentá ke awe gruponan minoritario ta keda diskriminá, ekspulsá di nos sosiedat (ku asta aprobashon di Fòrti i gruponan religioso kristian) hasiendo e ideal di un komunidat den kua delaster un hende tin mesun derechi di no keda lagá atras i lubidá, imposibel.
Laga pa e dia aki nos realisá kon importante ta pa tin derechi igual, igualdat di oportunidat i derechi di ta felis irespekto ku bo ta den e mayoria òf e minoria. Pa e rason aki nos prioridat mester ta inklusividat. Mester rechasá tur intento di sembra odio entre grupo. Nos sistema di enseñansa mester bira unu di inklusividat.
Alaska, Merka
Alex David Rosaria Blog 