Si bo no ta lesa buki ta meskos ku si bo no por lesa ni skibi

Luna pasá den un trein di Haryana pa Uttar Pradesh (India), mi ta ripará sigur 50 hende rònt dimi ta lesa buki. Fasiná, mi ta konsultá despues algun sitio elektróniko i konstatá ku India ta e pais ku mas ta lesa (midí kuantu página ta lesa diariamente) mundialmente.

CBS tampoko tin sifra riba esaki, pero bo ta ripará rònt dibo, speshalmente den salanan di espera (Bentana di Informashon, Imigrashon, Kranshi) no tin hende kasi ta lesa buki.

Lesamentu ta empoderá hende, stimulá pa wak un punto di vários ángulo, amplia konosementu, drecha vokabulario i outografia. Segun a outor Mark Twain: The person who doesn’t read has no advantage over the person who can’t read.

Serka nos, Biblioteka Nashonal i kuido di e bukinan eiden no ta haña atenshon di hendenan den Fòrti i Staten. E mayoria di nan no ta lesa ni tin lesamentu na pechu. Por ta un sorpresa ora bo tende nan masakrá nos idioma? Por ta un sorpresa ku nèt nan ta kritiká tur ku a invertí den nan mes, a bai skol i tin un título?

Na otro pais lidernan den komunidat manera Obama, Oprah, Bill Gates ta papia di bukinan ku nan ta lesa/rekomendá. Serka nos esei ta deskonosí.

Luna pasá na Sri Lanka, mi a saka potrèt di un biblioteka den un tènt riba e plasa di protesta pa kambio di régimen: Books are the greatest weapon in the People’s Revolution.

Foto: Colombo (Sri Lanka), Mei 2022 (Alex Rosaria)

Kisas mas impaktante ta loke e outor, Nguyễn Phan Quế Mai a bisa: Somehow I was sure that if people were willing to read each other and see the light of other cultures, there would be no war.

Mi ta stimulá lesamentu, rekomendando un (1) buki pa luna riba mi ‘blog’.

Willemstad, Kòrsou

Advertisement

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

4 thoughts on “Si bo no ta lesa buki ta meskos ku si bo no por lesa ni skibi”

  1. Alex, bon dia i un felis ‘Vaderdag’, anke mi no sa si bo ta ‘tata’ . Aki nos tin e suerte ku nos yu mayó – Angelique (ku ta biba na Merka i ta traha komo spesialista – pijnarts na Miami) – a bin bishitá nos i su yu Roy tambe a bin join nos. Masha ‘leuk’, pasobra tur nos 6 ñetunan ta den eksterior. Mark nos yu a regresá i tin varios aña kaba aki, trahando komo accountant & manager pa fam. Smeets na Santa Barbara. Pero di su 3 yunan, unu ta studiando awor aki na Utrecht, mientras e otro dosnan ta traha i biba na Miami. I verder, bròder, edat ta subiendo (81), pero mi ta ketu bai aktivo, skirbiendo bai gol! Mi ta spera di por publiká mi short stories & poemanan na Ingles & Papiamentu e aña akí ! Mi ta keda te aki i mi mester atmití ku mi NO tin a abilidat pa komuniká via internet ku abo tin. Kuida kurpa, ruman i keda pendiente di e publikashon di i short stories e aña akí.

    The usual best from

    Jopi Hart

    Like

    1. Jopi, felis dia di tata. Mi ta kontentu ku bo por a pasa ekaki ku bo yu i un ñietu. Mi tabe ta tata. Mi ta keda pendiente di e publikashon. Por sièrtu mi ta kòrda kla kon Jopi tabata bisa den klas ku ta bon pa lesa e bukinan riba nos lista obligatorio mas ku un biaha ora añanan pasa. E tempu ei mi a pensa: “Jopi su kabes no ta bon. Lesa di nobo? Ta hopi esfuerso mester a hasi pa terminá e lista obligatorio”. Wèl mi a lesa di nobo: Animal Farm, For Whom the Bell Tolls, Lord of the Flies i In Cold Blood. Riba mi lista mi tin Heart of the Darkness, Cannery Row pa bolbe lesa. Thank you for getting me to read. Correction, for getting me to appreciate literature.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: