Falta poko pa nos selebrá e di 12 aniversario di 10-10-10. Falta poko pa bolbe insultá nos inteligensia ku mensahenan di “Dia di Outonomia” na radio i asta for di boka di polítikonan. Yama 10-10-10 “Dia di Outonomia” ta muestra di ignoransia di nos historia.
Ofishalmente nos a haña outonomia riba 7 febrüari 1951 ku introdukshon di un konstitushon nobo (Interimregeling). Gobernadó Leonard Peters na e okashon aki a deklará den Staten: Een nieuw tijdperk is thans voor de Nederlandse Antillen ingegaan [waarbij] de volle verantwoordelijkheid voor het inwendig bestuur naar U leden van de Staten wordt verplaatst. Van zijn eerste daden af [..] is straks de Regeringsraad van de Nederlandse Antillen aan U verantwoording schuldig”.
Riba 15 desèmber tampoko ta dia di outonomia, sino dia ku a firma Statüt. Statüt a drenta na vigor riba 29 desèmber 1954.
Yama 10-10-10 “Dia di Outonomia” ta muestra di ignoransia di nos historia emansipatorio. Na 10-10-10 Antia Hulandes (AH) a keda desmantelá. Riba 10-10-10 Kòrsou a bira outónomo den Reino despues ku for di 1951 e tabata outónomo den bachi di AH. Por sièrto riba 10-10-10 Kòrsou a bira ménos outónomo ku AH tabata.
Bo ke selebrá 10-10? Yamé un dia liber pa bai landa òf Dia di Desmantelashon di Antia Ulandes. Yamé Dia di Kòrsou Outónomo den Reino.
10-10-10 no ta “Dia di Outonomia”.
Kuala Lumpur, Malasia
Alex David Rosaria Blog 
E mester ta un dia di luto.
LikeLike
Mas claro no canta un gayo (y)
LikeLike
Hopi Bon deskribi Alex. Prome Korsou mester traha na ELIMINA mediokresia ku ta mantene e isla aki den un spiral di ignoransia.
LIBERTAT TA KUMINSA DEN MENTE!
LikeLike
Di akuerdo Sandra. Nos ta mantené i premia mediokresia ku nos voto. Partidonan mester asumí nan responsabilidat i stòp di pone hende inepto pa goberná riba lista.
LikeLike