Obispado ta brongosá Dòktor ora e a muri riba 22 novèmber 1966: tempu pa ofresé un diskulpa na pueblo

Riba 22 di novèmber, ta kumpli 56 aña ku e gran estadista mr. dr. Moises Frumencio da Costa Gomez (Dòktor) a muri na edat di 59 aña. Poko konosí ta ku Obispado a nenga retundamente pa dera Dòktor -un katóliko-  den un santana katóliko. A dera Dòktor den santana protestant na Otrobanda.

Segun Obispado a nenga Dòktor pasombra e defuntu a kasa, parti i bolbe kasa. Konosedónan sa sinembargo ku e aktuashon aki tabata unu netamente polítiko i no religioso. Dòktor huntu ku Monseñor Verriet a lanta e poderoso Curaçaosche Rooms Katholieke Partij, CRKP na 1935 (ku no ta KVP manera hopi ta bisa) ku a gana e promé dos elekshonnan pa Staten na 1937 i 1941. Na 1944 Partido Demokraat ta lanta i den e siguiente elekshon ta gana di CRKP. Esaki a pone ku Dòktor kier a modernisá CRKP dor di e.o. redusí e influensia di iglesia katóliko den CRKP. Esaki no a kai den bon tera serka Obispado i a pone ku eventualmente Dòktor a bai ku su asiento i lanta Nationale Volkspartij (NVP). CRKP a desaparesé i e iglesia nunka a pordoná Dòktor, ni despues di su morto.

Un dia promé ku konmemorashon di 100 aña natalisio di Dòktor riba 26 di òktober 2007, Pader Amado Römer den su predikashi den katedral di Santa Ana a pidi pordon pa e manera ku su amigu a keda tratá. Tabata un pordon pidí komo amigu di Dòktor i no na nòmber di Obispado.

Obispado manera kustumber, no a duna ningun señal di ta lamentá e akto di humilyashon i vengansa polítiko aki ku segun Lucina da Costa Gomez (dfm) a bisami a kousa hopi doló. Ta kurioso ku tin hopi ku no ta duda pa èksihí diskulpa di Hulanda pa aktonan kontra Kòrsou ku no por mira lus di dia, pero ta muda pa loke ta trata Obispado den su papel di sklabitut, diskriminashon, rasismo i no papia mes di aktonan kriminal seksual kontra di menornan di edat. Ta tempu pa Obispado duna kara i ofresé su diskulpa, sigur en bista ku tur aña e ta haña un monton di plaka na supsidio di nos, e pagadònan di belasting.

Na 1997 a saka e restonan di Dòktor for di e santana protestant na Otrobanda i a hiba esakinan pa Morada Santa na Bottelier. Morada Santa ta un santana katòliko den mannan privá i no ta kai bou di Obispado.

Pas eterno na e mas ilustre emansipadó polítiko.

Willemstad, Kòrsou

Advertisement

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

2 thoughts on “Obispado ta brongosá Dòktor ora e a muri riba 22 novèmber 1966: tempu pa ofresé un diskulpa na pueblo”

  1. “…tin hopi ku no ta duda pa èksihí diskulpa di Hulanda pa aktonan kontra Kòrsou ku no por mira lus di dia, pero ta muda pa loke ta trata Obispado den su papel di sklabitut, diskriminashon, rasismo…” pasó nos no sa, Alex. Ken ta skirbi buki di e kosnan akí? Si bo mes no bula den archivo i korantnan bieu, of lesa di nan asina’ki, nunka bo no ta sa. En todo kaso danki abo pa pone lus riba nan.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: