Nos ta kòrda kon promé minister Whiteman a deklará ku e komunistanan di China, esta Guangdong Zhenrong Energy (GZE) lo ta e salbador di nos pais ku lo traha un refineria nobo ounke ku nunka e a traha un refineria? Te ainda e ta grita e mesun kos. Nos ta kòrda kon na 2017 promé minister Pisas a bai China i bisa ku “nu of nooit met GZE” ? Despues den gabinete Rhuggenaath, a firma un seri di MoU ku GZE pasombra GZE ku no sa nada di refineria lo a bin yuda Selikor, Curoil, Aqualectra, CPA, KTK i CDM Holding, traha un seri di hotel i entertainment estilo “Las Vegas strip”. Mi a atvertí kontra di e aserkamentu di nos pa ku e partido komunista Chines. Wak i skucha pa bo mes kiko ta pasando ku paisnan ku a kore drenta ku China manera 3 promé minister tabata ke hasi. (Wion/Gravitas ta un plataforma di notisia den Asia).
Willemstad, Kòrsou
Alex David Rosaria Blog 