Ku e titular di salubridat nunka a komprondé su tarea, ta un echo, spesialmente e manera di (no) atendé ku e pandemia Covid. Simplemente e mandatario, sin duda e kuchú mas stòmpi den e lachi na Fòrti, a keda sùkel foi dia ku e a sinta, apesar ku asta miembro di Staten di su mes partido a kuestioná su falta di funshonamentu. E no tabata kapas pa manehá salubridat. Su prestashon mas memorabel ta trata na para un investigashon den un kaso di froude mionario na BZV den kua tabatin entre otro “very good friends” di e koalishon aktual. Por lo ménos un di nan tabata ligá den kondukta kriminal na Landsontvanger Boneiru (tempu di Antia Hulandes). Esaki ta pasa ora bo ta trata ku hendenan ligá ku mafia i organisashonnan kriminal. Korte independiente a rébuzak e mandatario pa su kulpabilidat den protekshon di froude i di a trata na stroba investigashon. Den gobernashon ku mi tabata aden, a start un investigashon den BZV. A kima kòmpiuter, destruí dato, tapa froude di “mondkapjes” pero a persistí, hasi keho na RST i awe Korte den su sentensia a kondená e koruptonan. Pa bai bèk na e mandatario: “Mi shon, baha for di e posishon ei. Bo no ta digno”. Si e no hasi esaki mi ta spera ku Staten lo mand’é kas. Esta si e instansia aki tin un konsenshi.
Willemstad, Kòrsou
Alex David Rosaria Blog 