Nos ta den un krísis profundo pa motibu di un poblashon ku ta kremp

Tur kos ta indiká ku e aña aki tambe nos ta konosé un kremp den nos poblashon. Por sièrto, esaki a keda redusí ku 12 mil alma, kontando di 2010 te ku ougùstus 2022. Tambe sifranan di CBS ta mustra ku kada biaha nos problashon ta konsistí di mas hende di edat kompará ku hóben. E motibu prinsipal ta pasombra mas hende ta bandoná Kòrsou ku tin hende ta bin establesé. Tambe, fertilidat (kantidat di yu bibu ku un muhé ta trese na mundu) a kai 2.2 pa 1.7 i lo sigu kai por lo pronto segun Fondo di Poblashon di UN.

No t’asina ku ménos hende tin, mas kos tin pa parti. Un poblashon ku ta dekresiendo tin konsekuensia negativo pa desaroyo ekonómiko, ‘cost of doing business’, poder di kompra, konsumo, kompetividat, gastu di kuido, fondonan di penshon, salú mental (soledat), produktividat, klase medio i ‘brain drain’.

Ounke ku kada un di e konsekuensianan menshoná meresé atenshon, mi ta efatisá e aspekto ekonómiko. Un di e konsekuensianan inmediato di nos depoblashon ta ku negoshinan no ta haña hende (interesá i motivá) pa traha. Tin negoshi ta obligá di tuma hende no kapasitá, loke ta reflehá na un kalidat di servisio/produkto inferior. Otronan, obligatoriamente ta sera nan porta. E problema aki ta pronunsiá den turismo,nétamente e sektor ku mas lihé a bòns bèk despues di e pandemia. E ta e sektor tambe ku a korto plaso ta bai èkspandé ku invershonnan ku ya a keda komprometé.

Loke ta hasi e situashon mas agudo ta e echo ku durante e diferente ‘job fairs’ ku a tene pa haña trahadó, tambe pa refineria, e ‘trend’ ta ku e poko hendenan ku a mustra interes den un trabou no ta hóben, sino hende di edat avansá i penshonado. No tin pues sufisiente hende i sigur no hende hóben pa traha.

Ta manera no ta realisá ku nos situashon aktual ta un bòm ku lo èksplotá si no atendé e problema. Mester kuminsá ku un diskushon pa un maneho demográfiko. Pa korto plaso sinembargo mester di un maneho pa importá trahadónan di afó pa desaroyá nos ekonomia. Keda pèrsistí ku nos ta yen di hende sin trabou ku tin gana di traha no ta trese solushon. Meskos ku e intento frakasá di e proposishon inkonstitushonal di 80/20 presentá dékada anterior.

Kuala Lumpur, Malasia

Ke hubo di défisit demokrátiko na kas mes kontra LGBTQ+?

Mas ku 80 aña pasá nos a bisa ku nos tin un demokrasia mientras muhé no por a vota. Te den añanan 70 ningun muhé kasá por a hasi sièrto transakshon sin pèrmit di nan kasá (handelingsonbekwaamheid), pero nos tabatin demokrasia. Awe nos ta kalifiká e diskriminashon institushonalisá di pasado anti-demokrátiko. Lo bo kere ku nos a siña di nos ignoransia. Lo bo kere ku e víktimanan di diskriminashon di e tempu ei, awe no ta diskriminá otro. No. Ignoransia ta bibu bibu.

LGBTQ+, kontrali na otronan, te awe no tin e mesun derechinan legal. Ademas nan ta sufri desproporshonalmente di diskriminashon, ‘bullying’ i konosé mas suisidio ku kualkier otro segmento den nos komunidat. LGBTQ+ ta hiba e mesun lucha ku hende di koló i muhé (t)a hiba. Un lucha pa igualdat, un lucha pa dignidat i un lucha pa keda rekonosé komo un miembro balorá di e komunidat aki. E ta un lucha pa derechi humano. No ta esaki nos mester ke pa tur miembro di nos komunidat? No ta esaki ta demokrasia?

Fásil pa grita di défisit di demokrasia den Reino i sera wowo pa défisit di demokrasia den bo mes kas. E ta repudiabel i hiprokresia di marka mayó.

Fásil pa keda ketu mientras misanan Kristian (Romano) ta skupi venenu kontra LGBTQ+ i sostené ku plaka brutu partidonan ku ta bai na nan amèn. E odio di e religiosonan ta sali for di nan bukinan ku pa hopi aña a hustifiká sklabitut i diskriminashon kontra muhé. Na lugá di hasi bon uso di e Naf miónnan di plaka di belasting di pueblo ku nan ta haña di presupuesto di pais pa plama empatia manera nan ta prediká, e religionan aki ta kontribuí na destrukshon i divishon manera nan a hasi pa hopi tempu den pasado.

Bo no mester ta miembro di LGBTQ+  pa realisá ku diskriminashon i odio ta robes. Diskriminashon no ta èksistí solamente ora e ta afektá ‘bo’ grupo.

Istanbul, Turkia

Nos demokrasia tambe ta na peliger

Riba Dia Internashonal di Demokrasia, 17 sèptèmber 2022, mi a tira un diskurso pa Human Rights Defense Curaçao na Museo Marítimo

Kisas no tin un mihó manera pa start e dia awe ku bai bèk na e momentu ku nos pais a dal su promé paso den direkshon di demokrasia. Riba 31 di mart 1938, Koloniale Raad di Kòrsou a bin huntu un delaster biaha pa asina traha lugá pa Staten ku pa di promé biaha a keda skohí – en todo kaso parsialmente, esta 10 di e total di e 15 miembronan. Presidente di Koloniale Raad, Josuah Cohen Henriquez (Shon Jossy), den su diskurso di despedida a bisa di ta kontentu ku komienso di un era demokrátiko. Den mesun rosea sinembargo e a atvertí ku demokrasia riba su mes no ta un garantia pa bon gobernashon. Mas importante segun Shon Jossy ta kalidat i integridat di e hòmbernan ku ta manehá e struktura ku yama demokrasia.

Awor, kiko ta demokrasia? No tin un definishon fiho. Segun Kofi Anan, kada pais tin su mes definishon. Na 1937 serka nos, demokrasia tabata definí di tal manera ku hende muhé no por a vota, ku hende hòmber di un sièrto nivel intelektual so por a vota, i mas lat, ku hende muhé ora e kasa mester a kita foi trabou. Awe tin hende ku no tin problema pa definí demokrasia komo un struktura den kua te ainda hendenan di LGBTQ no tin tur derechi, pa motibu di nan preferensia seksual. Tampoko tin problema aparentemente ku e manera inhumano ku nos ta trata indokumentadonan riba nos isla.

Pa ami e ophetivo di demokrasia mester ta: un komunidat den kua tur hende tin derechi igual, i den kua ta subi e nivel i posibilidat pa tur grupo kontribuí i partisipá den toma di desishon, prinsipalmente ora esaki ta afektá nan bida i nan modus vivendi.

Mi a ripará sinembargo ku pa hopi hende ta mas fásil definí kiko no ta demokrasia, prinsipalmente ora algu ta tok’é personalmente. Ora situashonnan opviamente kontra di prinsipuinan demokrItiko toka na otronan su porta, ta keda ketu.  Demokrasia i egoismo no ta bai ku otro. I nos lo mira esei awe den mi gira rònt mundu unda mi tabatin e honor di traha i biba.

Resientemente mi tabata na Uzbekistan, un pais den Sentral Asia. Mi shofùr i ami a kore pasa un poster di e presidente di e pais, Mirziyoyev ku algun aña promé a keda elihí ku kasi 90% di voto den elekshon presidensial. Normalmente no ta rekomendabel papia di polítika na Uzbekistan, pero mi a puntra e shofù dikon Mirzitoyev t’asina popular.Sin basilá e di: “si e tabata ke e lo por a gana ku 110% di votonan”. Por sierto, e presidente anterior, Karimov, den su 25 añanan na mando promé ku e a muri, semper e a haña entre 88-98% di voto.  Na Uzbekistan, partidonan muchu krítiko no por registrá pa bai elekshon.

Pa pone kosnan den konteksto: Na Kòrsou e politiko ku mas voto a haña porsentalmente den nos historia tabata Dòktor da Costa Gomez na 1963 ku 36.6% di tur voto balido.

Na Nicaragua, e presidente for di 2007, Daniel Ortega, tin kustumber di laga sera su oponentenan polítiko mas fuerte djis prome ku elekshon, manera e a hasi ku 46 di nan na 2021. E a atendé protestanan ku man duru -500 hende a muri- na 2018. Kurioso ta ku Ortega a bira presidente e promé biaha na 2006 ku 38%, na 2011 ku 60%, na 2016 ku 72% i aña pasá e a haña 75% di tur voto. Awe Ortega ta presidente, su kasá, vise presidente i 8 di su 9 yunan ta konsehero presidensial.Pero si bo puntra Ortega e lo bisabo ku Nicaragua ta un demokrasia.

Ta kasi chistoso tuma nota di paisnan ku asta ta pone e palabra “demokrátiko” den nan nòmber ofishal. Lo ta pa konbensé tur hende ku ku nan sí ta demokrátiko? Algun ta: Democratic People’s Republic of Korea (Nort Korea); Lao People’s Democratic Republic (tantu Lao komo Nort Korea pa lei tin solamente un partido polítiko, esun komunista); Democratic Republic of Congo, People’s Democratic Republic of Algeria. Por sièrto ningun ta kategorisá komo un demokrasia segun Democracy Index.

Den e kuadro aki mi ta presentá un gráfiko di Our World in Data/Democracy ku ta kompará e kantidat di régimennan na mundu ku ta demokrátiko. Aki un régimen demokrátiko ta definí komo un den kua lidernan polítiko ta keda skohé via di elekshon liber i hustu i ku e partisipashon di e votado tin propósito/relevansia.

Na promé bista nos ta mira ku e kantidat di paisnan demokrátiko a krese for di aña 1800. En general ta identifiká 3 ola di demokratisashon.

E promé ta kuminsá na 1884 te 1922, impulsá pa derechi di voto pa mayoria hòmber blanku i despues hende muhé na Merka. Nos ta mira un ‘backsliding’ despues di e promé ola dor ku algun pais a pasa di demokrasia pa fasismo i outokrasia, pensa aki riba Italia, Spaña, Oustria i Portugal.

E di dos ola despues di WWII tabata fuerte ku viktoria di Aliadonan. Esaki sinembargo ta pèrdè forsa na momentu ku Guera Friu hasi su entrada unda Merka na lugá di promové demokrasia ta sostené diktadornan basta nan ta anti-komunista manera na Chile, Nicaragua, Zaire, El Salvador, Guatemala.

E di 3 ola ta start den añanan 70 influensiá pa demokratisashon na Asia, Latino Amérika, Pásifiko i Karibe. Ta dura te 1992 pa e kantidat di paisnan demokrátiko alkansá esnan outokrátiko. Despues e ola ta pérdé forsa atrobe. Mas pais ta bira outokrátiko manera e.o. Gambia, Fiji, Thailand i Peru i nos ta haña un ‘flat-line’, esun di mas largu te ainda. I si historia ta korekto, despues di tur ola ta bin un anti-ola.

Mi ta kompartí algun reflekshon.

1.Tene elekshon no kier men ku tin demokrasia. Konstantemente mi ta tende ku Venezuela ta un demokrasia pasombra su Presidente a keda elihí. Venezuela no ta un demokrasia den peliger. E no ta un demokrasia.

Mas i mas régimen ta usa elekshon pa establesé outokrasia. Pues elekshon no ta evitá lidernan oukrátiko (no-demokrátiko) yega na poder i nos -tampoko na Kòrsou mester kontentá nos mes ku pasombra tin elekshon, nos ta saif. Hopi anti-demokrat ta probechá di un apatia kresiente, desinformashon i e echo ku tin hopi votadó ta bai tras di gritunan popilista, ‘nan no ta nos’. Echo ta ku muchu votadó ya no ta analisá nan lidernan, sino ta bira fanátiko di e show teatral ku e lidernan ta arma. E kontesta riba e pregunta “pakiko outokratnan ta bai elekshon?”: No ta difísil pa nan yega na poder.

2. Outokratnan a bira sabí kompará ku ántes. Un tempu nan tabata tuma poder via di gòlpi di estado, no akseptá resultado di elekshon (manera a pasa na Myanmar), posponé elekshon (manera bergonsosamente gabinete Pisas 1 a proponé), i manda tanki di guera lokual mi a eksperensiá na Chad. Masha poko gòlpi di estado ‘oude-stijl’ ta tuma lugá awen’dia ku algun eksepshon na Mali, Guinea i Fiji. Es mas, di 2000 pa 2022 tabatin 20 gòlpi di estado éksitoso den mundu kompará ku 175 di 1960 pa 1999. Awe outokrátnan elihí ta ‘claim’ legítimidat pasombra tabatin elekshon.

Una bes na poder, nan ta operá bou di radar -alomenos den komienso- i gradualmente ta mina demokrasia i institutonan demokrátiko. Mi ta menshoná komo ehèmpel Repúblika Checo, Hungaria, Turkia, i Honduras. E lidernan outokrátiko ta demostrá di tin e pasenshi, disiplina di strategia pa logra nan meta. Nan a kambia gòlpi militar pa gòlpi populista via di urna. I nos a mira kaba kon dikatador Ortega kada biaha ta haña mas voto mientras tiki tiki e tabata mina demokrasia.

I aki na Kòrsou nos a mira intentonan outokrátiko keda hasí ku e proposishon “Reforma” ku tabatin un mensahe populista: ban krea stabilidat polítiko,  a kolektá miles di firma, pero ku den esensia tabata un triki pa haña mas poder ehekutivo i redusí influensia di e otro podernan.

3. Un di e páginanan klásiko den e ‘play book’ pa establesé un outokrasia, ta tòrnu na prensa liber/independiente. Si nos bolbe wak Nicaragua, Presidente Ortega durante añanan poulatinamente a sera 51 medio di komunikashon ku ta krítiko apesar ku prensa liber ta un derechi konstitushonal. A usa infrakshon tékniko, detaye burokrátiko, detenshon di e doñonan, òf ladronisia di tur ekipo pa sera medionan pa hustifiká ku ta sera nan. E aña aki e a sera 6 radio katóliko, pasombra Iglesia a kritká su atake sangriente na 2018 kontra oposishon.

Reporters without Borders ta indiká ku na 2002 Venezuela tabata na di 77 lugá den mundu pa loke ta trata libertat di prensa. Na 2012 e a sak bai na di 120 lugá i na 2022 e ta di 147 lugá.

Na Kòrsou no ta sera medionan di prensa, pero Transparency International a atvertí na 2013 ku apesar di un gran kantidat di medio aki, no tin informashon independiente i di diferente ángulo. Esaki definitivamente ta un peliger pa demokrasia.

4.E cherry riba e bolo di outokratnan ta ataká e poder hudisial i pone esaki na merset i influensia polítiko di gobièrnu. Despues di desprestigiá e sistema hudisial, outokratnan tin e kustumber di yena Kortenan ku nan hende i asina aki supordiná Korte. Segun World Economic Forum ku ta klasifiká paisnan a base di imparsialidat di nan sistema hudisial, Venezuela ta na último lugá sigí pa Nicaragua, Ecuador i Chad.

Papiando di Chad, tempu ku mi tabata einan pa Nashonnan Uní, un outomobilista a bin dal den mi outo. Un polis ku a kore yega riba su baiskel a bisami pa mi ‘never mind’ e kaso i mi drenta outo bai. Ora mi a putra pakiko, e a bisami ku e kulpabel tabata un hòmber di etnisidat Zakhawa, meskos ku e Presidente di pais. I so bo pensa pa bai Korte, peña saka pasombra huesnan tambe ta Zakhawa. Mi a drenta mi outo i bai i mi mes a paga pa drecha e daño na mi outo.

Ta di lamentá ku na Kòrsou resientemente nos a konosé un atake shushi riba nos poder hudisial na momento ku e Asosashon di misanan Kristian públikamente a kuestioná funshonamentu i kapasidat di nos poder hudisial pasombra presidente di Korte Komun presuntuamente ta un miembro di LGBTQ.

5. Lokual a strañami no ta e èkspreshonnan baho di e pastornan ku frekwentemente ta skupi rabia riba gruponan minoritario den nos pais,  pero e silensio di nos kumunidat, e falta di bosnan di protesta di Staten, di Fòrti i otro organisashonnan. Banda di un reakshon di nos Korte mes, algun abogado i ami, no tabatin reakshon. Laga nos ta konsiente ku ta hustamente e silensio aki ta alimentá minamentu di demokrasia i empoderá outokratnan pa dividí i planta odio.

Segun e buki The Rise and Fall of democracy in Latin America (Scott Mainwairing, Harvard University), e faktor mas importante di e kaida di demokrasia den nos region ta e echo ku muchu hende a stòp di kere den demokrasia. E apatia a oumentá i kada biaha ta krese mas.

Demokrasia ta muri ora hende ku ta kere den prinsipionan demokrátiko stòp di kere òf keda ketu. Muchu lihé nos ta duna e outokratnan benefisio di duda, hopi biaha den komienso, te ora ta lat. Ken a lubidá kon algun polítiko di Kòrsou a subi avion privá di Chavez bai reuní na Miraflores i regresá ta papia maravía di e ‘revolushon anti-imperialista’ mientras Chavez tabata silensiá prensa independiente, sera oponentenan potítiko, habri brasa pa Rusia, Iran i gruponan terorista manera Hezbollah?

Mundu hinter mester wak su mes den spil. EU a para na banda laga Hungria i Polonia hasi nan kos. Merka ta sera wowo pa e diktadura na Etiopia basta e kombatí e grupo terorista Al Shabaab na Somalia.

Demokrasia ta lanta i kai ku hende ku ta kere den prinsipionan demokrátiko i ku ta dispuesto pa organisá nan mes i bringa pa demokrasia. Esaki ta sosodé? Si, pero muchu poko, kasi nunka. Un di streyanan riba e tereno aki ta Uruguay. Uruguay tabata un di e demokrasia mas stabil di Sur Amérika te 1973 na momento di un gòlpi di estado ku a eliminá parlamento. Na 1985 demokrasia a keda restablesé danki na organisashonnan di hende ku tabata kere den demokrasia i a lucha pa esaki. Awe Uruguay ta konsiderá e pais di mas demokrátiko den Sur Amérika.

6. Apesar di tur kos, paisnan chikí ta esnan di mas stabil demokrátikamente na mundu. Mester bisa si ku faktor kontribuyente ta e hecho ku e paisnan chikí aki ta operá den asosashonnan mas grandi manera CARICOM, den konteksto i EU (LGO). Den Pasífiko vários teritorio ku ta keda konsiderá demokrasia stabil -sea nan ta independiente òf no- tin konvenionan di koperashon será ku sea Nueva Zeelandia, Oustralia i Merka.

Paisnan chikí Karibense ta mas stabil sinembargo ku esnan den Pasífiko. Tin un ‘backsliding’ konsiderabel na Solomon Islands, Vanuatu i prinsipalmente Fiji kaminda sivílnan ta goberná pero bou di supervishon di militarnan.

Un di e problemanan mas grandi pa e islanan den Pasífiko ta e papel di China. China ta hiba un lucha tenas pa e islanan ku ainda ta rekonosé Taiwan, stòp di hasi esei. China den esaki ta dispuesto pa sostené kualkier outokrat di e islanan aki pa nan bòltu aliansa ku Taiwan i bira aliado di China. Palau, un demokrasia di 25,000 sorprendentemente stabil demokrátikamente ketu bai ta resistí. Ta di wak si otro islanan, Nauru, Tuvalu ku ta rekonosé Taiwan lo por resistí plaka brutu di China.

Solomon, un otro teritorio chikí den Pasífiko ku un presidente outokrátiko na mando, si no por a resistí e charme di Beijin. Nan dos a sera un konvenio sekreto ku despues a lèk den prensa den kua China a komprometé su mes pa train polis di Solomon i tambe manda polis Chines na e isla. Oposishon ta teme ku gobièrnu lo usa táktikanan Chino pa intimidá oponentenan polítiko.

Den Karibe tambe China ta hiba e mesun lucha kontra paisnan ku a rekonosé Taiwan. Ta trata aki di Haiti, St Vincent, St Kitts i St Lucia i Belize. Presensia di plaka i influensia Chines ta un menasa pa demokrasia di teritorionan chikí rònt mundu. Kontrali na Pasífiko, tin un otro pais ku ta buska pa establesé òf reestablesé presensia i influensia den nos area. Ta trata di Rusia prinsipalmente pa loke ta toka presensia militar na Grenada, Nicaragua i la Orchilia ku ta keda 300 km ost di Kòrsou.

7.Kòrsou no ta oásis di demokrasia manera algun hende lo ke kere. Nos tin un défisit demokrátiko prekupante den nos pais. E base ta ku no ta tur hende tin e mesun derechi riba nos isla. Nos tin tur instrumènt pa hasi esaki, pero no ta hasi’é pasombra algun hende ta kere ku e ‘timing’ no ta bon.

E bos igual ku mester èksistí tambe ta na peliger mirando influensia di élitenan polítiko, mirando ku e reglanan pa ku finansiamentu di partido polítiko i kampaña polítiko no ta transparente sufisiente, lagando hopi burako pa kos robes i influensia indebido di afó. Kampaña polítiko no ta un bataya di idea i ideal, sino un operashon di merkadeo, kuantu ‘like’ ta haña riba facebook i kua banda musikal ta sera kaya na aktividatnan na sede polítiko. Prekupante ta kon religion kristian a bolbe hasi su entrada den polítika ku plaka brutu pa esnan ku ta sostené nan agènda religioso partikular.

Klaro ku nos aki tambe ta suheto na e menasanan modèrno manera fake news, desinformashon, atakenan sibernétiko ku ya a tuma lugá riba instanshanan importante manera Ministerio di Planifikashon (BPD), Banko Sentral i dos laboratorio médiko. Esei ta esnan ku mi sa alomenos.

Un aspekto sigur di defisit di demokrasia ta falta di constitutionele toetsing. Pa falta di constitutionele toetsing, gobièrnu òf Staten por bin ku regla òf lei sin ku esaki ta konforme spiritu i letra di nos konstitushon. Na St Maarten si ta e kaso, parsialmente. Pues den nos sistema Staten por pasa un lei wall to wall ku ta kontra di nos Konstitushon manera a pasa ku e konsepto di lei 80-20 ku a pasa Staten siendo inkonstitushonal. Gobernadó a ninga di firma esaki. Pero den un sistema demokrátiko no por bai stèns ku konstitushonalidat ta dependé di e karakter fuèrtè di e Gobernador. Pa chèck konstitushonalidat, mester tin un Korte Konstitushonal.

Otro defisitnan ku ta èksisti a bin dilanti na 2020 na momento ku bergonsosamente un grupo di Parlamentario a bòikotiá huramentashon di un Miembro di Parlamento ku mester a drenta. Awor, na 1977 a sosodé meskos, pero no a tuma akshon. Kisas un lès importante pa nos ta ku no por bari kos bou di tapeit i spera ku e ta pasa pa olvido. En general nos a mira for di 10-10-10 muchu mas konflikto, proseduranan konfuso riba e tereno konstitushonal ku ántes. Mester atendé ku nan.

Meskos tambe ta konta pa trese mas transparensia den funshonamentu di Korte. Huesnan ta kontrolá nan mes. Dia mi a hasi e presidente di Korte na 2015 kuantu biaha a yega di hala atenshon di un hues, e a bisami ku esei ta sekreto. Pues aki fó nunka ta sa kon huesnan ta funshoná lokual si ta e kaso ora un médiko òf notaris faya. Esaki ta un défisit demokrátiko. Sekresia di e índole aki no tin lugá den Poder Hudisial.

I bayendo bèk na e diskurso di Shon Jossy, ki tipo di hende nos ta manda ku nos voto pa manehá nos demokrasia? Nos ta keda kontentu ku un mandatario ku públikamente ta bisa ku e no a yega di tende di ‘trias politica’? Polítikonan ku no por komuniká na drechi den ningun idioma, ni tin konosementu básiko di demokrasia i su prosesonan? Mester pèrkurá pa solamente hendenan di un sièrto nivel okupá puestonan ehekutivo? I den Staten? Pakiko nos ta sigi manda esnan di mas swak liderá nos. Nos ta konsiente ku un di e rasonnan pakiko e Poder Hudisial ta e poder ku mihó ta funshoná ta kisas pasombra bo mester ta debidamente kalifiká pa bo ta parti di e poder aki lokual no ta e kaso ku e otro dos podernan?

Apesar di tur kos, mi no ta kere ku ta tempu pa lamentá. Mas bien mi ta kombensí ku ta tempu pa nos organisá. Prinsipalmente nos ku ta kere den demokrasia i su prinsipionan di derechi humano i estado di derechi.

Finalmente, un historia di dr. Benjamin Franklin. Saliendo na final di e Asamblea Konstitushonal ku a dura 4 luna pa aprobá e promé konstitushon di Merka, un muhé a par’é i puntra: “Dòkter, bisami, nos ta un demokrasia òf un monarkia?” Dr. Franklin reportadamente a bisa: “Sra. nos ta un demokrasia…pa awor’ki!”

Willemstad, Kòrsou

Escort service no ta kos nobo

Aktualmente tin hopi papiamentu riba Elegance Escort, un ‘escort service’ ku lo ta ofresé servisio pa hòmber i muhé aki na Kòrsou ku ta konsistí di entre otro sèks, masashi i baile. Outoridatnan aparentemente a bisa ku lo investigá e kaso.

Sin opiná riba un investigashon andando, mi a haña interesante pa wak si escort service ta un fenómeno nobo òf no aki. Mi a konsultá Archivo Nashonal i e korantnan Amigoe i Beurs- en Nieuwsberichten.

Escort service no ta algu nobo riba nos isla. Un 30 aña pasá un negoshante di fam M. tabata manera e mes a bisa, e promé pa bin ku un escort service. M. a konstatá ku hopi kaminda na mundu konosé e tipo di negoshi aki i a disidí di yena e buraku den merkado lokal. Asina a lanta Yankee’s Escort Services, e promé di su tipo riba nos isla.

Yankee’s Escort Services kier a ofresé e turista i hende di negoshi riba nos isla un ‘kompaño’ si e tabata deseá. M. a buska manera e a bisa: “tantu hòmber komo muhé di tur nashonalidat i koló pa traha, i no kier a mete ku loke e trahadó i e kliente por a hasi òf no ora nan ta huntu.” M. tabata konsiente ku ‘escort’ por tin un konotashon negativo i p’esei e a enfatisá ku su negoshi ta simplemente intermediá (bemiddel) pa trese hende huntu.

Magnifique Escort Service poko despues ta saka un aviso den un korant pa buska “lokale en Nederlandse gezelschapsmeisjes voor het begeleiden en het vermaken van toeristen, zakenlieden en VIP’s”.

Durante un kongreso di Seda (Sentro di Dama) na 1995, a mustra riba e fenómeno aki. Segun SEDA tabatin mes òf mas prostitushon pafó ku paden di Campo Alegre. A pidi kastigu pa tur responsabel pa prostitushon pafó di Campo.

Willemstad, Kòrsou

Repudiabel e atake shushi riba algun ámtenar

Ku repudio mi a lesa ku un hende ku ta yama su mes periodista, ta lastra algun ámtenar na un departamento di Gobièrnu, divulgando nan nòmber i foto riba plataformanan soshal. E persona den su atake shushi ta haña ku e ámtenarnan no ta funshoná i ta akusá nan di ta bòikotiá Fòrti, stroba desaroyo i di tin koló polítiko.

Si Gobièrnu tin problema ku funshonamentu di kualkier departamentu, e mandatario enkargá mester asumí su responsabilidat konforme reglanan vigente. Parlamentarionan semper por pidi e mandatario konserní splikashon. Asina ta prosedé den un pais demokrátiko i sivilisá.

Pero, a skohe pa drenta e kaya di bati-kibra, demotivando hinter e aparato ku awor mester ta prepará ku ken-ku-ta, sea pa plaka òf polítika, por skibi kontra di nan, i publiká nòmber, potrèt i otro dato personal. Kon e ámtenarnan i nan sernan kerí ku a bira víktima di e atake shushi aki lo mester ta sinti nan mes? T’asina ke kombensé nos hendenan kapasitá regresá Kòrsou?

E agreshon no ta un fayo inosente. E ta deliberá. Meskos, tempu un minister a pone un konferensia di prensa pa “grill” un hefe di servisio. E motibu tin tinta polítiko. Kisas pa tapa inkapasidat di Fòrti ta preferá akusá ámtenar indefenso, en bes di karga responsabilidat propio. Sindakato i otro organisashon mester kondená e akto aki. Prinsipalmente e minister responsabel p’e departamento.

Esaki ta otro akshon ku ta tòrnu na nos demokrasia i institutonan demokrátiko. Awor, kada un akshon riba su mes kisas no ta pone nos demokrasia i outonomia frakasá. Sinembargo, ora pone tur akshon huntu, nos lo mira ku nos outonomia ta na peliger, no pa motibu di Den Haag, sino pa nos mes falta. Ban spera ku no ta muchu lat ora nos realisá esaki.

Willemstad, Kòrsou

Ta nos ta responsabel pa mantené na bida e konsekuensianan di sklabitut

Awor ku ‘stòf a baha’ poko despues di bishita di algun parlamentario hulandes tokante herensia di sklabitut ku a kousa basta konsternashon, ta bon konsiderá algun punto. Ku estado hulandes tabatin un papel importante den sklabitut, ta inkwestionabel. Remarkabel ta ku no ta atendé ku e otro aspektonan ku a hasi sklabitut (atlántiko) posibel i su konsekuensianan te awe.

Primeramente, konsiderá ku sklabitut na Afrika komo institushon (i no un kos sporáriko) a bende katibu na komersiantenan Kristian Oropeo (i tambe paisnan Musulman). Dos obra sinematográfiko di Afrika, Little Sénégal i Adanggaman ta diskutí i kuestioná Afrika su ròl. den sklabitut. E Afrikanonan ku a bende katibu mester pidi nos diskulpa?

Iglesia Katóliko komo instituto a hustifiká sklabitut deklarando ku “Afrikanonan no-Katóliko no ta hende ku derechi igual” i tambe tabata doño di katibu. No ta pornada nan Papa na 1985 a pidi Cameroon despensa p’esaki. Na Kòrsou tabata fòrsa katibunan adoptá e religion Kristian alegando ku nan krehensha tabata inferior, kibra nan dignidat komo hende i planta e simia di no stima bo mes, ku ta pèrsistí leu despues di emansipashon di sklabitut. Obispado mester pidi diskulpa?

Bo no mester ta sikólogo pa realisá ku nos a internalisá lokual a sirbi pa otronan hustifiká sklabitut: nos a ankra den lei ku sièrto grupo, sea mayoritario manera den kaso di muhé òf den minoria manera LGBTQ, ta inferior i no meresé derechi igual. Nos, esta Fòrti ta kla pa ofresé diskulpa na tur grupo ku nos mes (t)a ninga trato igual? Nos ta atmití ku nos ta mantené na bida e legado hororoso di sklabitut den nos idioma i komportashon (“e ta pretu, pero sabí”; “hende pretu mester ta kontentu di tabata katibu na Kòrsou, sino ainda e lo ta den mondi na Afrika” òf ku nos hendenan pretu mes ta selebrá e palabra “nigger” den kanshon)?

Na aprel 2011 Minsiter Donner a bin skucha nos sentimentunan tokante ‘slavernijverleden’ manera e delegashon palamentario a hasi siman pasá. Tur dos banda di Atlántiko mester rekonosé ku ta Hulanda mester disidí si i kon e ta pidi diskulpa. Esaki no ta prekupámi tantu. Kardinal ta sinembargo, kiko nos lo hasi pa atendé ku e konsekuensianan di sklabitut ku ketu bai ta bibu danki na nos akshonnan. Nos ta laga e heridanan sigi putri òf ta asumí responsabilidat, atendé ku nos pasado ounke kon doloroso, sea ku tin diskulpa òf no?

Willemstad, Kòrsou

Study: Measuring the impact of fake news in our region

Latin America and the Caribbean are often overlooked in discussions on the phenomenon of fake news, and disinformation. The Washingon DC-based Global Americans, of which I’m a member, joined forces with Centro para la Apertura y Desarrollo de América Latina, Medianálisis, Universidad del Rosario and Escuela de Gobierno y Transformación Pública Tecnológico de Monterrey to gain a region-wide perspective on disinformation1. Additionally, the geopolitical motivations and strategies deployed by non-democratic regimes—whether Russia, China, or Venezuela—in our region which in recent decades has emerged as a battleground between democracy and autocracy2.

While the disinformation landscape varies, there is a sustained effort by non-democratic governments—like China and Russia, and to a lesser extent, Cuba, Venezuela, and Iran—to increase their global presence, including in local language media sites, YouTube channels, news bureaus, and on social media in our region. These efforts are construed to influence public perception of these non-democratic states and their policies and tilt local media coverage and sow disinformation and discord. This poses a threat to democratic norms, transparency, tolerance, and human rights.

We need to understand the sources, methods, targets, and themes of this state-based propaganda and disinformation campaign. The rigorous quantitative and qualitative research done, covering Argentina, Chile, Peru, Colombia, Mexico, and Venezuela has examined the use of “sharp power” which is defined as effectively creating a positive image of the perpetrator via disinformation campaigns, often orchestrated by media affiliated with these countries.

The study has evaluated misleading and propagandistic media stories in English, Spanish, and Portuguese, which has allowed Global Americans and partners to identify the modalities and sources of international and domestic disinformation campaigns throughout the region. The extent, nature, and objectives of foreign state-media disinformation campaigns, the targets of those efforts across population sub-groups, and across select topics of choice were covered by the study as well as the social media landscape to determine the affiliated but undeclared partners of foreign state media.

The research revealed the following important findings:

1. China, Russia, and other undemocratic actors are actively promoting disinformation and propaganda in Latin America through their state-sponsored media channels, though the degree and scope of these efforts vary from country to country. The most active of these are Russia Today, Telesur, Sputnik Mundo, and Xinhua Español as well as Twitter and Facebook.

2. Chinese and Russian disinformation and propaganda are disproportionately concentrated on thematic targets that lie at the intersection of democratic fault lines, inflaming local political rifts, promoting like-minded and often non-democratic local forces, and portraying China and Russia as benevolent partners and alternatives to the U.S. throughout the region.

3. While Chinese and Russian government disinformation operations are often similar, there are key differences. Russia lacks the means to properly court deeper commercial opportunities and its disinformation strategy is focused on disrupting social order and political stability as seen in Colombia and Chile, two known U.S. allies. Russia also seeks to gain new friends that are preferably disinclined to the U.S. in the hope of expanding their political influence. In contrast, China is the world’s second-largest economy, a major trading partner throughout the region, and an important foreign investor. While the Russian government generally attempts to disrupt, the Chinese government’s disinformation strategy tries to position China as the new benevolent hegemon and the dominant international power in the current international system.

4. Venezuela lies at the other end of the disinformation extreme, home to overt and direct disinformation from China, Russia, and the Venezuelan authorities themselves, all undermining democratic forces in the country.

5. Research on Peru revealed that Chinese state media is the most active in the Andean country, likely due to Peru’s wealth of mineral resources and oil, and the existence of a relatively sizable community of Chinese descent. Chinese influence is most felt through the local media, academic circles, and government officials, many of whom have visited China. In Peru, Russian engagement is far less of a factor, particularly compared to Russian engagement in countries, such as Colombia, Venezuela, and Argentina.

6. Research indicates considerable Russian and Chinese engagement in Argentina in the media and information space. For China, Argentina is a significant source of key commodities, including soybeans, meat, and seafood, while for Russia, the Argentine government’s lukewarm relationship with the U.S. is of keen interest, as it allows Moscow to cast its influence there.

7. The research found that Chinese efforts largely centered around promoting the Chinese economic model and narratives of solidarity, while Russian propaganda was particularly active in positively portraying its vaccine, Sputnik V, with its disinformation operations seeking to tarnish U.S. and European vaccines.

8. In Colombia foreign state media was present but to varying degrees. The study looked at 86,615 Twitter posts published in Spanish by nine news agencies between September 1, 2019, through September 30, 2020; a total of 1,464 profiles were manually reviewed to report on the disinformation process, including the creation, production, and dissemination of messages, and found that 184 accounts spread posts created by Chinese media outlets, including alleged cyborgs (18) mainly located in Venezuela, Argentina, Colombia, and Uruguay and highly suspicious users (3) located in Venezuela (2) and Mexico (1); 247 accounts propagated information created by Russian media outlets, including alleged cyborgs (40) and highly suspicious users (10) mainly located in Colombia, and 225 accounts propagated information created by Cuban and Venezuelan media outlets, including cyborgs (18) located in Venezuela, Colombia, and Cuba, as well as highly suspicious users (10) located in Colombia.

9. Chinese messaging in Colombia centers on its role as an important trade partner and therefore the narrative projected is one of a mutually beneficial partnership between the two countries. In contrast, Russian state media in Colombia has engaged most actively during moments of social discontent, with that messaging largely centered around anti-government talking points.

10. Colombia’s role as a U.S. ally has made its way into Russian messaging. The research indicates that Venezuelan political actors have also engaged in aggressive misinformation efforts against the Colombian government, due in part to Bogotá’s willingness to host large numbers of Venezuelan refugees and members of the Venezuelan opposition.

I believe these findings underscore the importance of better understanding foreign state media, their activities, their counterparts, their preferred themes, and their preferred tactics. It’s an indication that maybe we should commission a study, be it stand-alone or with our Caribbean neighbors so we can better detect and counteract non-democratic foreign state media campaigns. It also indicates how important it is to invest in promoting a more politically conscious citizenry that is more understanding and even skeptical. The price for non-engagement and apathy toward disinformation networks is too high and not confronting this challenge risks perpetuating ongoing anti-democratic trends and further eroding democratic institutions in our region.

Willemstad, Curaçao/Global America

1 https://theglobalamericans.org/monitoring-foreign-disinformation-in-latin-america/

2 https://alexdavidrosaria.wordpress.com/2018/12/21/the-new-cold-war-in-the-caribbean/

What to expect from the first leftist Colombian President

As part of the think tank Global Americans, I’m sharing our latest article on Colombia -Alex Rosaria

Gustavo Petro is inaugurated as Colombia’s President. He’s the first leftist to be elected to Colombia’s highest office. In his first address to the nation, Petro outlined the main priorities and expectations for his administration. He called on violent non-state organizations to disarm and pledged to implement the 2016 peace accord with the FARC rebel group. His administration has committed to peace talks with the ELN guerrilla group. Petro also called on the U.S. and other developed countries to change their approach to the global war on drugs, arguing that their strategy has fed violent conflicts in Colombia and the rest of the region. He also stressed the importance of climate change, emphasizing Colombia’s role in conserving the Amazon rainforest.

Will Petro change his impulsive personality and mood swings that characterized his term as Mayor of Bogotá or can he suppress these tendencies, as he did to win the election? Petro’s balancing act will begin in his first 100 days but will last throughout his entire presidency. See Global Americans’ article below.

Sklabitut i su konsekuensianan te awe ta un responsabilidat kompartí

Na 1989 mi a bisitá e sentro di detenshon di katibu salida yamá ‘Door of No Return’ via kua nan
tabata subi barko lagando e kontinente Afrikano atras pa bin nos hemisferio. Île de Gorée, Sénégal

Ta difísil papia di sklabitut na Kòrsou, prinsipalmente si bo ke aserká e tema di un pèrspèktiva di rekonsiliashon i sanashon di nos pasado doloroso ounke kon inkomfortabel esaki por ta. Adishonalmente e tema ta keda monopolisá pa un grupo ku a duna su mes derechi èkslusivo pa opiná. Mi ta rechasá esaki. For di 17 ougùstùs 2007 den un diskurso riba Ref mi a bisa: No ta tur hende blanku ta kulpabel, ni tur hende pretu ta inosente den trafikashon di katibu. Nos mester aserká sklabitut i su konsekuensianan den tempu komo un kulpabilidat i responsabilidat kompartí.

Sigur no por pèrdè for di bista e enorme demanda pa labor di katibu di Oropeonan den nos hemisferio. Sin duda esaki tabata e rason prinsipal pa e genosidio i trafikashon di desena di mión di katibu. Tampoko por lubidá e kolaborashon entre Afrikanonan i e komersiantenan di katibu Oropeo. Mayoria katibu Afrikano a keda kapturá den konflikto/guera òf a keda sekuestrá. Nan mester a marcha pa lunanan, kadená na otro riba kaminda pa kosta unda nan tabata subi barku. Ami ta desendiente di katibu pero tambe mi por ta desendiente di komersiantenan di katibu Afrikano.

E debate tokante di un diskulpa ofishal di Hulanda na desedientenan di katibu ta bálido. Nos mester ta konsiente sinembargo ku un diskulpa riba su mes no kita e doló históriko ni e legado ku sklabitut a laga atras pa entre otro Iglesia Katóliko (Role of the Roman Catholic Church in the Social Development of Curaçao since the Abolition of Slavery, C. Streefkerk, 1972), institushonnan i polítika lokal, medionan di komunikashon i otronan. Echo ta ku nos a internalisá komportashon i ekspreshonnan den nos idioma ku nos ta usa awe, pero ku tin rais den e pasado di sklabitut. Pa kolmo te ainda nos ta ninga un minoria derechi igual basá riba nan preferensia usando e mesun esküsnan ku a usa pa hustifiká sklabitut.

Un debate ta bon biní. Basta e ta sinsero i tur hende ta dispuesto pa akseptá kulpa i responsabilidat pa pasado i prinsipalmente e kontinuashon di pensamentu i komportashon ankrá den sklabitut.

Willemstad, Kòrsou

The slavery apology debate: yes, but not like this

In 1989 I visited the Door of No Return via which millions of African slaves took the final step from their home continent onto the slave ships that would bring them to the new world if they even survived the journey. Île de Gorée, Sénégal.

The subject of slavery is difficult to talk about in Curaçao. This’s especially true when approaching it as a self-examination, a coming to terms with a painful past however uncomfortable it may be. Additionally, it seems that the discussion is controlled by a self-appointed group claiming to have an exclusive right on this matter. I reject this. I said in my speech on 17 August 2007: Not all white people were guilty, and not all black people were innocent in the slave trade. We must approach slavery and its aftermath as a shared historic guilt and responsibility.

We certainly must not lose sight of European insatiable desire for slave labor as the root cause of the genocide and enslavement of tens of millions of Africans. Neither should we forget the collaboration of Africans with foreign slave traders. Most of the Africans who were enslaved were captured by Africans in battles or were kidnapped and marched for weeks or even months, shackled to one another to the coast. I’m a descendant of African slaves but could also be a descendant of African slave traders.

The debate on whether The Netherlands owes an official apology to the descendants of slaves is valid. We must be conscious however that an apology alone will not erase the historic pain and lingering legacy of slavery perpetuated by the Catholic Church (Role of the Roman Catholic Church in the Social Development of Curaçao since the Abolition of Slavery, C. Streefkerk, 1972), local politicians, institutions, the media, and others. We’ve internalized attitudes and still use expressions in our language reminiscent of this past. In fact, we still deny a minority group equal rights based on its preferences using the same excuses used to justify slavery.

The debate about slavery is welcome provided it’s sincere and everyone’s willing to accept guilt and responsibility for the past as well as the remains of slavery in the present.

Willemstad, Curaçao