Na Kaminda pa Statüt: Diskurso S.E. Gobernadó Wouters pa anunsiá fin di kolonialismo Hulandes

Na kaminda pa Statüt ta un seri di artíkulo ku ta analisá e proseso largu pa yega na outonomia interno di nos pais

Promé ku e anunsio di 6 di desèmber 1942 di Reina Wilhelmina ku kambionan konstitushonal ta na kaminda pa e kolonianan Hulandes, S.E. Gobernadó, Gielliam Wouters, a anunsiá esaki fo’i 16 di yüni 1941.

S.E. Gobernadó a yama un reunion ekstraordinario di Staten pa e dia ei. Prensa di Kòrsou i Hulanda a bisa ku no tabatin stul bashí ni den sala di reunion, ni den tribuna. Hasta e korant di atardi, Amigoe, a opta pa prent e korant hopi mas lat, pa asina por pone e diskurso den e edishon di 16 di yüni mes.

E mensahe di Kas Real Hulandes lesá pa S.E. Gobernadó:

Deze mededeling is de volgende: Het ligt in het voornemen van het Opperbestuur om onmiddellijk na de bevrijding van het moederland de aanpassing van de structuur van het Koninkrijk aan de eis der tijden tot een programmapunt te maken, waarbij de status van Nederlands Oost- en West-Indië in overeenstemming zal zijn te brengen met de betekenis dezer gebiedsdelen in de rijkseenheid. Van dit programma zal ook het inwendig staatkundig bestel der overzeese gebiedsdelen een integrerend deel uitmaken. Gelegenheid zal worden geschapen om de wensen en opvattingen ter zake ter kennis van de Kroon te brengen, opdat deze aandachtig overwogen kunnen worden. Het Opperbestuur is voornemens na de bevrijding van het moederland een conferentie van vooraanstaande personen uit verschillende delen van het Koninkrijk bijeen te roepen, die de Kroon in deze van advies zal dienen.

E anunsio pa kambionan konstitushonal, ounke ku sierto medionan di prensa anteriormente a spekulá ku nan lo ta na kaminda, awor tabata ofisial.. Di sierto hukinan tabatin e reklamo ku kisas e anunsio tabata prematuro pasombra ainda ningun hende tabata sa kon e di Dos Guera Mundial lo a kaba i si Hulanda lo a keda okupá pa Alemania. Pero en general e anunsio tabata motibu pa húbilo prinsipalmente pa esun ku despues lo bira e arkitekto di e kambionan konstitushonal, Miembro di Staten pa Curaçaosche Roomsch Katholieke Partij (CRKC), dr. Moises da Costa Gomez.

Willemstad