Riba 11 febrüari 1973 a inougurá riba Gomezplein e estatua di dr. Moises da Costa Gomez. Nos gran Elis Juliana na okashon di inougurashon di e estatua a skibi un poema den kua e ta rekordá nos ku apesar ku Dòktor no tei mas, e ta sigi papia ku nos.
Na Plaza Gomez, un hòmber riba un pilá ta bisa nos un kos.
Tempu e tabata karni, palabra tabata su spada.
Awor ku bròns ta su rekuerdo, e ta papia ku señal.
Paga tinu mi rumannan! No kore bai dilanti sin tene kuenta ku bo tras.
Elis Juliana 12 febrüari, 1973
Mi por añadí ku ta solamente esnan ku ke tende lo por rekonosé e señalnan. I, ta parse ku hopi ku a bisa ku nan ta Gomista ‘de pura sepa’ awe no ta ni sikiera interesá pa skucha su palabra i señalnan.
E estatua di Dòktor a keda inougurá riba 11 februari 1973 riba Gomezplein ku te 1968 tabata yama Gouverneur Helfrichplein.
E estatua a keda trahá na Italia. Hinter e idea di e estatua tabata di Komishon Pro Estatua bou di liderazgo di Arthur ‘Tula’ Jesurun.
Fin di 2009 Fundashon mr. dr. M.F. da Costa Gomez a finansiá e mudansa di e estatua pa un lugá mas visibel riba e plenchi.
Pa mas informashon riba e gran emansipadó polítiko di Curaçaosche Rooms Katholieke Partij i Partido Nashonal di Pueblo wak http://alexdavidrosaria.blog/2020/10/23/ken-tabata-doktor/
Willemstad, Curaçao
Alex David Rosaria Blog 
E falta di konsenshi i noshon di fundadornan di nos ser demokratiko di awe por lo pronto, of te ora ta otro lo keda disparse dia pa dia, aña pa aña. Mi ke skohe pa tira falta pero mes enfatiko enfatiza riba e nesesidad pa noshon, vishon, mishon i plan konkreto pa establese, valida, konstrui resiliensia, i inkulka konsehi historiko den edukashon en general, pues mas ku solamente na skol, of den bario. Konsenshi historiko ta un aspekto elemental den un sosiedad, sea riku of pober. Vishon no ta simpel un palabra “chique” ohala ohala..
LikeLike
Netamente e aspekto aki falta.
LikeLike